По многуте вести и гласини за неговата иднина, Кристијано Роналдо за прв пат јавно реагираше на информациите за неговата иднина. Португалскиот напаѓач изјави дека наскоро ќе ја каже вистината за својата судбина во Јунајтед, бидејќи многу написи и вести во спортските медиуми ги смета за лага.
И покрај тоа што тренерот на тимот, Ерик тен Хаг изјави дека Роналдо не е на продажба, ЦР7 може да ги напушти „црвените ѓаволи“ пред крајот на овој пазар. Во објава на социјалната мрежа Инстаграм, напаѓачот ветеран изјави:
„Тие ќе ја знаат вистината кога ќе ме интервјуираат за неколку недели. Медиумите кажуваат лаги. Имам бележник и во последниве неколку месеци, од 100 пишувања што се циркулираат за мене, само 5 од нив се точни. Таква е ситуацијата“.
И покрај враќањето на Роналдо во Јунајтед, легендарниот клуб не успеа да се пласира во Лигата на шампионите, бидејќи се соочува не само со резултатска, туку и со криза на идентитетот. Свое мислење за изјавата на Португалецот даде поранешниот соиграч на Роналдо во Јунајтед, Гери Невил. Во објава на социјалните мрежи, Невил рече:
„Зошто најдобриот играч на сите времиња (според мене) треба да чека 2 недели за да им ја каже вистината на навивачите на Манчестер Јунајтед? Дојдете сега и зборувајте. Клубот е во криза и има потреба од лидери да го водат. Тој е единствениот кој може да ја сфати ситуацијата од врвот“.
Откако ги загубија првите 2 натпревари во сезоната, Јунајтед е на дното на табелата во Премиер лигата за прв пат од сезоната 1992-93. Тренерот Тен Хег и клупските челници се уште се во интензивен процес на регрутирање, за да донесат играчи кои уште еднаш ќе го обноват имиџот и престижот на Манчестер Јунајтед.
