Дефанзивецот на Манчестер Јунајтед, Лисандро Мартинез се очекува да биде надвор од терените во период од 2-3 месеци. Оваа вест преку официјално соопштение ја соопшти самиот Манчестер Јунајтед. Аргентинскиот дефанзивец е еден од најважните играчи на Олд Трафорд, а менаџерот Тен Хег мора да размислува за уште едно отсуство на теренот. Потсетуваме дека и Мартинез поради повреда го пропушти крајот на минатата сезона.
Во официјалното соопштение Јунајтед истакна дека Мартинез прво се повредил на предизвикот против Арсенал пред неколку недели. Дефанзивецот сега ќе паузира поради влошување на повредата. Клупскиот персонал изјави:
„Веќе е утврдено дека нему (Мартинез) му треба период надвор од теренот за да се опорави и рехабилитира. Во тек е анализа за да се утврди кој ќе биде следниот чекор“.
Тренерот Тен Хег исто така ја коментираше повредата на Мартинез изразувајќи жалење:
„Ова е несреќна ситуација, за него и за тимот, бидејќи не беше 100% во најдобра физичка кондиција. Мислам дека имаше голема разлика помеѓу Мартинез што го видовме на последните натпревари и Мартинез што ги видовме минатата сезона“.
Аргентинскиот дефанзивец беше активен на натпреварите против Волвс, Тотенхем, Нотингем Форест, како и со Арсенал. Играчот не настапи во победите на Јунајтед над Барнли и Кристал Палас. Мартинез дојде во Јунајтед минатата година од Ајакс за 57 милиони фунти. Дефанзивецот беше важен за успехот на Јунајтед во Карабао купот минатата сезона, како и за нивното трето место во Премиер лигата.
Останува да се види какви ќе бидат новите шеми на Тен Хег во дефанзивниот оддел, сега кога опциите се сè уште поограничени.