Фудбалерите на Манчестер Јунајтед бараат од раководните лица на клубот да го доведат актуелниот тренер на ПСЖ, Маурисио Покетино на кормилото на клупата на „Олд Трафорд“. Според извештаите на „Експрес“, некои од најважните фигури во бордот на Јунајтед почнале да градат стратегија за оваа цел, бидејќи им се допаѓа и идејата Аргентинецот да биде на кормилото на „црвените ѓаволи“.
Но, привремениот тренер Ралф Рангник е фан на Ерик Тен Хаг од Ајакс. Мислењето на Германецот ќе биде доста тежинско при ангажманот на идниот тренер на Јунајтед, но одборот внимаваше да ги слуша и играчите.
Новиот извршен директор Ричард Арнолд, кој го смени Ед Вудворд минатиот месец е свесен дека Англичаните треба брзо да се движат доколку сакаат да донесат тешко име на врвот на клупата на Олд Трафорд. А Покетино, кој е под притисок на ПСЖ, јасно стави до знаење дека му се допаѓа идејата за враќање во Премиер лигата.
ПСЖ и Покетино ги чека прилично тежок предизвик во Лига на Шампиони следната недела, бидејќи ждрепката ги стави пред Шпанците од Реал Мадрид. Многу работи ќе зависат од настапот на парижаните во Лигата на шампионите, бидејќи ова е единствениот трофеј кој претседателот Насер Ал-Хелаифи го барал од кој било тренер кој беше на чело на ПСЖ во последните години. Ако Французите повторно не успеат во елитното натпреварување, заминувањето на Покетино изгледа неизбежно, без разлика дали Јунајтед ќе направи потег за него или не.
Тен Хаг, исто така, останува една од главните алтернативи за англиската клупа, бидејќи Рангник е фан на холандскиот техничар. Ајакс е на пат да ја освои третата лига под водство на тренерот, а Тен Хег изгледа подготвен за својата следна авантура.