Играчот од средниот ред на Манчестер Јунајтед, Дони ван де Бик ќе го пропушти остатокот од сезоната поради повреда на коленото. Веста ја потврди и самиот тренер Тен Хег, бидејќи се очекува Ван де Бик да се врати на зелените терени дури следната сезона. Последен пат играчот беше активен за Јунајтед против Борнмаут на 3 јануари, каде беше заменет пред крајот на првото полувреме.
Тренерот Тен Хег ја коментираше ситуацијата:
„На долг рок работите изгледаат добро. Ќе биде подготвен за претсезонските предизвици, во остатокот од сезоната ќе биде недостапен. Мислам дека сите размислуваме за него во моментов. Кога ќе се повредите во текот на сезоната, тоа е страшно... секогаш е многу разочарувачки и ние сме тука за играчите“.
Холандскиот техничар додаде:
Играчите чувствуваат дека градиме нешто добро и тие сакаат да бидат дел од тоа, сите сакаат да бидат дел од тоа“.
Веста за позајмен трансфер на Воут Вегхорст ја потврди и Тен Хаг. Сепак, тренерот најави дека напаѓачот нема да биде подготвен за предизвикот против Сити. „Црвените ѓаволи“ следниот ден ќе се соочат со историските противници. Англиските медиуми открија дека челниците на Јунајтед не се заинтересирани да го купат картонот на Холанѓанецот, бидејќи ја посакуваат само позајмицата до крајот на сезоната.
Победата над Манчестер Сити би ја намалила разликата помеѓу двата тима на само 2 поен, што е извонредно достигнување за Јунајтед со оглед на нивниот проблематичен почеток на сезоната. Од друга страна, избраниците на Пеп Гвардиола мора дефинитивно да победат, за да бидат што поблиску до водечкиот Арсенал. Натпреварот се очекува да биде многу тежок и покрај доминацијата на Сити во последното дерби меѓу екипите.