Манчестер Јунајтед ќе испрати официјална понуда за картонот на Нејмар, во случај шеикот Џасим бин Хамад ал Тани да ги купи акциите на престижниот клуб. Сегашните сопственици на клубот, семејството Глејзер, долго време размислуваат да го продадат својот мнозински удел во Јунајтед. Во трката за сопственоста на клубот се и англискиот милијардер Сер Џим Ретклиф, како и шеикот од Катар, Ал Тани.
И Ретклиф и катарскиот шеик имаат за цел да купат 100% од акциите на Јунајтед, но ниту една страна досега не се согласи да понуди бројка од 6 милијарди фунти што ја бараат Глејзерс. Се верува дека Ретклиф размислува за делумно откупување на акциите, додека катарскиот шеик инсистира на целосна сопственост на Јунајтед.
Доколку Џасим бин Хамад ал Тани успее да ја реализира својата цел, Нејмар ќе биде главната цел на летниот пазар. Бразилецот оваа сезона со ПСЖ постигна 18 гола на 29 натпревари, но постојано се мачеше со повреди. Ова е една од причините поради која францускиот клуб може да се откаже од него. Исто така, стратосферската плата на напаѓачот од 616 фунти неделно е доста финансиски товар за парижаните.
Згора на тоа, челниците на ПСЖ работат на план за заживување на клубот, откако десетти пат по ред не успеаја во Лигата на шампионите. Французите веќе бараат да изградат тим базиран на млади таленти, давајќи поголема тежина и внимание на младинската академија.
Нејмар во меѓувреме има активен договор со клубот до 2025 година, со опција за продолжување на уште 2 години. Сепак, тоа не се очекува да биде проблем за Манчестер Јунајтед, доколку Англичаните ги побараат услугите на Бразилецот.