Тренерот на Манчестер Сити, Пеп Гвардиола, даде детали за состојбата на Ерлинг Халанд, по лесната повреда што овој ја доби на предизвикот против Борусија Дортмунд во Лигата на шампионите. Норвежанецот беше заменет на полувремето поради повреда на ногата. Сепак, Гвардиола уште еднаш потврди дека тоа не е сериозен проблем. Шпанецот коментираше за медиумите во пресрет на предизвикот на Сити против Севиља:
„Ерлинг нема да биде достапен за утре. Се чувствува подобро во споредба со сабота и недела, но сепак не 100%. Не сакаме да ризикуваме, нема смисла. Се надевам дека ќе биде подготвен за предизвикот против Фулам“.
Халанд не беше достапен во предизвикот против Лестер, но сепак „граѓаните“ успеаја да обезбедат тесна победа благодарение на голот на Де Брујн. Норвешкиот напаѓач на првите 22 средби со Манчестер Сити постигна вкупно 15 гола, што е неверојатен рекорд. Избраниците на Пеп Гвардиола на домашен терен ќе се соочат со Севиља во последниот предизвик од групната фаза во Лигата на шампионите.
Англичаните веќе го обезбедија првото место во групата, а освен Халанд, се очекува Гвардиола да одмори и некои од останатите стартери. Сити во сабота во првенството ќе игра против Фулам, во многу важен предизвик. „Граѓаните“ не можат да си простат лажен чекор, доколку настојуваат да не го загубат темпото на Арсенал, кој моментално води во Премиер лигата со 31 бод, 2 помалку од Сити.
Во меѓувреме, Гвардиола ги откри своите планови за Мундијалот, бидејќи како што рече планира да одмора за време на Мундијалот во Катар, а натпреварите да ги следи од дома. Фудбалерите на Сити кои нема да учествуваат на Светското првенство се очекува да отпатуваат во Абу Даби на тренинг на топлото време.