Талентираниот играч за врска на Манчестер Сити, Бернардо Слива даде изјава која можеби вознемири голем дел од навивачите на англискиот клуб. Португалецот ја призна желбата уште еднаш да се приклучи на неговиот стар клуб Бенфика. Силва изјави дека му недостига родната земја и сака да биде поблиску до семејството и фудбалскиот клуб во кој пораснал.
Во летото минатата година за играчот од средниот ред се шпекулираше за можно заминување од „Етихад“, но тоа не се случи. Тој не само што остана во Манчестер, туку ги консолидираше позициите како еден од најважните играчи во тимот на Пеп Гвардиола. Сепак, тоа не го спречи Бернардо Силва да зборува за своите идни планови. Тој за Канал 11 изјави:
„Многу ми недостасува Португалија. Ако имав шанса да се вратам таму за 1 или 2 години, би. Не само затоа што сакам повторно да играм за Бенфика, туку и затоа што ми недостасува семејството и животот во Португалија“.
Силва и претходно ја призна својата посебна врска со клубот. Фудбалерот изјави:
„Бенфика е важен дел од мојот живот. Пораснав гледајќи натпревари на Бенфика со татко ми и пријателите. Покрај тоа, играв со оваа екипа од 12 до 19 години, па горе-долу половина од мојот живот. Имав речиси 20 години кога заминав и беше тешка одлука за носење. Но, се покажа дека преселбата во Монако е вистинската работа“.
Пеп Гвардиола не е менаџер кој ги држи играчите во клубот против нивна волја, а доколку Португалецот на крајот одлучи да го напушти Манчестер Сити, голема е веројатноста дека играчот од средниот ред ќе се врати во Бенфика.
