Дефанзивецот на Ливерпул, Вирџил ван Дијк ќе биде надвор од терените најмалку 1 месец. Причината е повреда на мускулот а веста ја соопшти самиот тренер Јирген Клоп. Ван Дијк беше заменет на полувремето за време на натпреварот на Ливерпул со Брентфорд. „Црвените“ беа поразени со 3-1 од противниците.
Во пресрет на соочувањето со Волвс валидно за ФА Купот, тренерот Клоп ја прокоментира повредата на холандскиот дефанзивец:
„Тоа беше изненадување и голем удар за нас. Дијагнозата беше сериозна. Зборуваме за недели, повеќе од 1 месец. Тоа е проблем со мускулите, ништо друго, во времето кога се случи Ван Дијк ќе спринташе повеќе отколку што требаше. Тешко е за Вирџил, но тој одигра огромен број натпревари во последните неколку години, и сега не можеме да го користиме на теренот, само надвор од него, и тоа е она што ќе го направиме. Тој никогаш немал проблеми со мускулите, но тоа се случи сега. Ние не направивме ништо поинаку“.
Германскиот тренер ја коментираше и состојбата на Хендерсон, давајќи добра вест за навивачите на Ливерпул:
„Вчера направи се што требаше да направи на тренинг. Од денеска можам да кажам дека е на располагање да тренира и да направи се“.
Хендерсон доживеа удар во глава на предизвикот против Брентфорд. Во меѓувреме, за отсуството на Ван Дијк, Клоп веќе треба да размислува за вистинската замена во центарот на одбраната. Тренерот има доволно опции, бидејќи на таа позиција се активирани Џоел Матип, Ибрахима Конате, Џо Гомез и Натаниел Филипс. Сепак, нивното прилагодување кон остатокот од тимот е предизвик кој може да приреди изненадувања, особено во овој прилично деликатен момент од сезоната.