Иднината на Ливерпул е нејасна, бидејќи според англиските медиуми, сопствениците на „црвените“ бараат нови акционери, а дел од клубот е на продажба. Престижниот „The Athletic“ објави дека актуелните сопственици на Ливерпул, Fenway Sports Group, ги отвориле вратите за потенцијални понуди за сопственост на тимот. ФСГ го купи клубот во 2010 година за 300 милиони фунти, додека сегашната продажба може да генерира над 4 милијарди фунти.
Американската компанија изјави дека и понатаму останува 100% фокусирана на „успесите на Ливерпул на и надвор од теренот“, но не ја демантираше веста за отворање на понуди. Во 12-те години на клубот под раководство на ФСГ, „Црвените“ успеаја да освојат 8 трофеи, од кои 6 под водство на тренерот Јирген Клоп.
Помошникот на Јирген Клоп, Пеп Лијндерс ја коментираше ситуацијата. Вториот рече:
„Не е ништо ново за еден клуб да бара нови инвеститори. Сите што не гледаат во последните години, сите што не знаат како клуб, знаат дека имаме блиски односи со сопствениците. Имаме информации за вестите колку и вие (медиумите). Сопствениците секогаш дејствуваат во најдобар интерес на клубот“.
Лијндерс додаде:
„За мене тие се добри сопственици, а ќе објаснам некои причини. Прво успеаја да го задржат во клубот 7 години плус, еден од најдобрите тренери во светот. Второ, успеаја да ги задржат најдобрите играчи во тимот. И што е уште поважно, имаме стабилна академија... Тие донесоа доста добри одлуки. Освоивме многу меѓународни купови и награди“.
Во меѓувреме, голем дел од навивачите на клубот побараа челниците на Ливерпул да се консултираат со нив, за каква било одлука во врска со иднината на клубот.