Тренерот на Ливерпул, Јирген Клоп уште еднаш ја прифати тешката ситуација во која се наоѓа клубот оваа сезона, нагласувајќи ја потребата од промени на летниот пазар. „Црвените“ беа поразени со 5-2 од Реал Мадрид во Лигата на шампионите и елиминацијата во следниот меч се чини неизбежна. Во првенството ситуацијата е исто така далеку од очекувањата, бидејќи Ливерпул го држи 8-то место во генералниот пласман на Премиер лигата.
Клоп ја коментираше ситуацијата:
„Знаеме дека мора да подобриме и промениме многу работи, и ќе го направиме. Сега не можеме, но очигледно мора нешто да направиме на лето. Во моментов мораме да ја поминеме ситуацијата борбено...Една од главните причини поради кои го потпишав новиот договор беше затоа што знаев дека ќе има преоден рок“.
Германскиот тренер ги истакна и разликите меѓу Ливерпул и другите клубови во однос на управата:
„Овој клуб не се води со фрлање пари наоколу. Нашите трансфери мора секогаш да бидат погодени. Ова ја комплицира ситуацијата. Не можеме да направиме 4 трансфери без претходно да знаеме кој заминува и такви работи. Минатата година не беше сезона за големи промени. Игравме до последен момент и ако треба да промениме нешто во овој клуб, не можеме да го направиме тоа со доведување играчи, а потоа да сфатиме дека никој нема да си замине. Тоа не функционира така“.
Клоп додаде:
„Мораме да ги правиме нашите планови и тоа е она што го правиме, но врз основа на тоа како се води овој клуб. Очигледно се разликува од другите клубови. Досега функционираше и треба да видиме дали ќе функционира повторно или дали треба да се прилагодиме“.
И покрај разочарувачките резултати оваа сезона, се чини дека германскиот тренер се уште ја ужива довербата на клупските челници.
