Тренерот на Ливерпул, Јирген Клоп изјави дека да се биде на чело на клупата на „црвените“ не важи само во „сончевите времиња“. Германецот ги отфрли медиумските извештаи дека неговата екипа е во пад и вети дека ќе се бори до крај за да го врати Ливерпул во својата најдобра форма.
Англичаните се пласираа во директната елиминациска фаза од Лигата на шампионите и во вторник ќе играат против Наполи во последната средба од групната фаза. Сепак, момците на Клоп оваа сезона се мачеа во Премиер лигата. Тимот победи на само 4 од првите 12 средби, а моментално е на 9-то место во генералниот пласман. Клоп ја коментираше ситуацијата:
„Тоа не е нешто што лесно се поправа, но нема да престанеме да се бориме. Луѓето ме гледаат и велат дека изгледам уморно, но не сум. Не можам да го користам тој изговор. Мојата работа овде не е само кога грее сонце и некој ни дава трофеј. Мојата работа е да бидам тука дури и кога поминуваме низ многу тешки времиња и ќе го сторам тоа со сите сили“.
Клоп исто така појасни дека голем дел од тешката ситуација на Ливерпул е и поради повредите:
„Мислам дека пресудата за овој тим треба да дојде подоцна, или можеби на крајот од сезоната. Ако кажете „тоа беше крајот“ за оваа група играчи и тренерот, мислам дека не е 100% во право во моментов, бидејќи ги немавме (играчите) на располагање. Ни недостигаат играчи, особено во нападот, ни недостасува квалитет и тоа не ни помага. И покрај тоа што не е фер, во ред е... Ова се прашања што е фер да се поставуваат, но мора да одговориме подоцна“.