Напаѓачот на Ливерпул и португалската репрезентација Диого Јота поради повреда ќе го пропушти Светското првенство во Катар. Веста ја потврди и самиот тренер Јирген Клоп, а според Германецот, играчот заработил тешка повреда на потколеницата при предизвикот против Манчестер Сити во првенството.
25-годишниот фудбалер беше изнесен надвор од теренот во последните моменти од натпреварот кога Ливерпул победи со 1-0 против актуелниот шампион во Премиер лигата. Неодамна Клоп за медиумите ја коментираше повредата на Португалецот:
„Се работи за многу сериозна повреда на мускулот на пулпата. Тажна вест за момчето, нас и Португалија. Изненадувачки тој е во ред. Тој е многу паметен тип. Мислам дека го сфати степенот на повредата кога го извадивме од теренот. По натпреварот разговаравме еден со друг и тој ми објасни што се случило. Мислам дека Јота знаеше дека се работи за сериозна повреда и тоа ќе има влијание врз неговите соништа за Светското првенство“.
Самиот напаѓач со објава на социјалните мрежи ја сподели тажната вест со своите фанови. Во статус на Твитер, Јота коментира:
„По прилично добра ноќ, мојата се затвори на најлош начин. Во последната минута од средбата дојде крајот на еден од убавите соништа. Ќе навивам од странство, клубот и репрезентацијата и ќе се борам што побрзо да се вратам“.
Јота го пропушти почетокот на сезоната со сличен мускулен проблем, пред да се врати на теренот при ремито на „црвените“ со Евертон (3-3). Јота настапи и во победата на Португалија од 4-0 против Чешка, каде што успеа да постигне 1 гол. Сепак, се чини дека талентираниот напаѓач веќе има долг пат до опоравување.
