Тренерот на Лестер Сити, Брендан Роџерс вети дека ќе се бори за тренерското место на „Лисиците“ и покрај последните резултати и негативното издание на тимот. Лестер моментално е на последното место во табелата во Премиер лигата. Тимот има обезбедено само 1 бод на воведните 7 натпревари, а последната средба против Тотенхем заврши со бројките 6-2 во корист на вториот.
Без разлика на резултатот, Лестер жестоко се избори против Тотенхем, а разликата меѓу екипите не беше толку голема, барем во однос на самодовербата на теренот. Ова го истакна самиот Роџерс, кој за Би-Би-Си Спорт зборуваше за тешката ситуација низ која минува клубот. Техничарот коментира:
„Секогаш мислам дека можеме да ја надминеме оваа ситуација. Не видовте тим кој нема самодоверба на теренот денес, и тоа секогаш е добар знак. Секогаш ќе се борам, но ја разбирам играта и 6 последователни порази не се добри за никого“.
Во меѓувреме, во друго интервју, Брендан Роџерс изјави:
„Што и да се случи, секогаш ќе имам голема почит кон нив (менаџерите на клубовите), бидејќи тие ми дадоа голема поддршка. Разбирам како функционира фудбалот. Што и да се случи со мене во Лестер, секогаш ќе имам почит кон нив“.
И играчот од средниот ред Џејмс Медисон зборуваше за медиумите по поразот од Тотенхем, бранејќи го менаџерот Роџерс и префрли дел од одговорноста на играчите. Медисон рече:
„Луѓето гледаат на резултатот 6-2 и мислат дека Лестер повторно пропадна, но мислам дека не е така. Во првото полувреме почувствував дека сме Лестер каков што знаеме, тимот на Брендан Роџерс кој притиска високо и создава шанси... Играчите мора да преземат дел од одговорноста. Тоа е колективно, не е виновен само тренерот, ние сме 11-ти на теренот. Болно е кога навистина го почитуваш тренерот, во крајна линија ние сме играчите и неодамна не игравме како што треба“.