Барселона го победи Кадиз со 4-0, во меч кој беше прекинат во 50. минута поради итна медицинска помош на навивач. Каталонците водеа на натпреварот со 2-0 пред да биде забележан инцидентот. Голманот на Кадиз, Џеремијас Ледесма го напушти својот гол за да им даде комплет за прва помош на навивачите додека играчите беа изведени надвор од теренот.
Тренерот на Барселона, Чави изјави дека заедничка одлука е да се прекине играта. Шпанецот изјави:
„Сите се согласивме да престанеме. Овие работи го надминуваат фудбалот, овде зборуваме за човечки живот. За среќа, успеале да го спасат“.
По продолжувањето на натпреварот Барселона постигна уште 2 гола и со тоа запечати чиста победа. Првиот гол на Каталонците го постигна Френки де Јонг, додека Роберт Левандовски го постигна вториот само неколку минути откако влезе како замена. Полскиот напаѓач уште еднаш ги докажа своите вештини, бидејќи ова беше негов деветти гол во само 6 настапи за Барселона по трансферот од Баерн Минхен.
Третиот гол го постигна Ансу Фати во 86. минута, кој исто така на теренот влезе како замена. Додека последниот гол за Барса го постигна Французинот во последните дополнителни минути Ousmane Dembele.
Победата значи дека тимот на Чави моментално води во Ла Лига со 13 бода. Каталонците постигнаа 15 гола во досегашниот тек од првенството, а примија само 1. Напредокот во дефанзивниот дел е поочигледен, бидејќи тренерот Чави полека го спроведува својот стил на игра. Реал Мадрид во меѓувреме има 12 бода на второто место, но Галактикос имаат еден натпревар повеќе. Избраниците на тренерот Анчелоти во недела ќе играат против Мајорка.