Трансфер на Душан Влаховиќ од Фиорентина, Јувентус го чинеше цели 67 милиони фунти. Но, се чини дека тоа не ја спречува „Старата дама“ да тежнее други цели на пазарот. Според последните извештаи на италијанските медиуми, Јувентус е во потрага по картонот на асот на Челзи, Жоргињо.
Италијанецот беше во супер форма во текот на целата година што ја остави зад себе, но и на почетокот на 2022 година. Жоргињо триумфираше со Челзи во Лига на Шампиони, само неколку недели пред да подигне уште еден трофеј, оној на Евро 2020 со репрезентацијата на Италија. Играчот од средниот ред имаше клучна улога во текот на репрезентативното патешествие, а како резултат на добрите настапи беше третопласиран во наградите за „Златната топка“ годинава.
Но, на поранешната ѕвезда на Наполи му остануваат уште само 18 месеци од договорот со лондончани, а Челзи би можел да има финансиска корист со продажба на картонот на играчот на лето. Тоа е затоа што и покрај добрите перформанси, раководните лица на Челзи се прилично строги кога се во прашање условите за новите договори, за играчи над 30 години. Тоа значи дека доколку Италијанецот бара поголема плата или дополнителни бенефиции, на неговите тврдења ќе се гледа со скептицизам. Додека Јувентус од друга страна веќе даде докази дека е подготвен да потроши големи суми, доколку се работи за вистинскиот играч.
Друга причина зошто Челзи би можел да се откаже од Жоргињо се многуте алтернативи во средниот ред. Во ова одделение, Томас Тушел има играчи како Н'Голо Канте, Мејсон Маунт, Матео Ковачиќ и Рубен Лофтус-Чик на располагање, а да не ги спомнуваме и другите талентирани имиња на клупската академија, кои чекаат прилика да се активираат. Од клубовите во кои настапуваат како позајмени се очекува да се вратат Конор Галагер и Били Гилмур кои исто така играат на истата позиција.