„Нема сомнеж дека за 2 или 3 години ќе го нарекуваме еден од 5-те најдобри фудбалери во светот. Ова беа зборовите на спортскиот новинар, Гилем Балагу, за талентот на Борусија Дортмунд, Џуд Белингем. Играчот од средниот ред стана редовен во стартниот тим на Англија на Герет Саутгејт. За повеќе, Белингем постигна гол Лига на Шампиони и стана дел од тимот на сезоната во Бундеслигата. Но, каква иднина носи суперѕвездата на Дортмунд?
Откако Белингем му се приклучи на Дортмунд од Бирмингем Сити во 2020 година, ниту еден тинејџер нема одиграно повеќе натпревари во топ 5 европските лиги. Ова се очекува да продолжи и во наредните сезони, со оглед на високите перформанси на 19-годишникот. Играчот од средниот ред веднаш го освои стартното место во Борусија Дортмунд, а од тој момент никогаш не го загуби.
Но, по голема веројатност, играчот нема да ја помине целата своја професионална кариера во германскиот клуб. Дортмунд историски беше дом на таленти, кои на крајот го напуштија Сигнал Идуна Парк. Меѓу нив може да се споменат и Усман Дембеле, Кристијан Пулишиќ, Џејдон Санчо и секако Ерлинг Халанд. Во меѓувреме, Белингем има активен договор до 2025 година со германскиот клуб, но со повеќето европски клубови заинтересирани за картата на Англичанецот, по голема веројатност ова ќе биде последна сезона за играчот во Германија.
Германскиот новинар Рафаел Хонигштајн рече:
„Тој ќе биде Халанд следното лето. Дортмунд ќе се надева дека ќе остане уште малку. Пред неколку месеци и самиот тој (Белингем) изјави дека нема намера да замине, и дека тука се чувствува среќен. Но, Дортмунд повеќе не може да го крие талентот на играчот, особено ако тој настапува на ист начин на Светското првенство“.
Хонигштајн, исто така, ја забележа способноста на Белингем да се прилагоди на кој било стил на игра, што додава уште поголем интерес во списокот на англиски таленти. Останува само да видиме која ќе биде неговата следна дестинација.
