Кристијано Роналдо разговарал со агентот Жорге Мендеш на претходно непредвиден состанок за неговата иднина. Според пишувањата на „Сан“, Мендеш отпатувал со приватен авион во Англија, за да ја разјасни загриженоста на португалската ѕвезда, а англиските медиуми сугерираат дека веќе секоја опција е на маса.
Роналдо оваа сезона за Јунајтед постигна 14 гола во сите натпреварувања, но се дознава дека Португалецот е многу загрижен за целокупниот учинок на „црвените ѓаволи“. Поранешната ѕвезда на Реал Мадрид е фрустриран и од тактиката на германскиот тренер Ралф Рангник, бидејќи се чини дека не може да даде 100% со новиот стил на игра.
Извор близок до Португалецот изјави:
„Кристијано е многу загрижен за тоа што се случува во Јунајтед. Тимот добива многу критики и тој знае дека е еден од лидерите. Има многу проблеми, Кристијано го чувствува притисокот и е многу под стрес од оваа ситуација“.
Изворот додаде:
"Тој (Роналдо) очајно сака неговата преселба во Јунајтед да биде успешна. Но, Роналдо по почнува да сфаќа дека со оваа организација освојувањето трофеи ќе биде многу тешко. Хорхе дојде да го посети и заедно разговараа за тоа како се одвиваат работите, кои се проблемите и како може да се решат. Во моментов, ниту една опција не е исклучена“.
Поранешниот англиски напаѓач, Габи Агбонлахор, е на мислење дека Јунајтед следното лето треба да го продаде Роналдо, за да им го остави потребниот простор на останатите ѕвезди во тимот. Ова е мислењето на многу други спортски аналитичари, кои исто така ја поддржуваат идејата на Агбонлахор, велејќи дека Гринвуд, Санчо и Рашфорд ќе имаат повеќе простор да се истакнат доколку ЦР7 го расчисти местото во нападот.
