Баерн Минхен ја означи „замената од соништата“ за Роберт Левандовски, а станува збор за бомбардерот на Тотенхем, Хари Кејн. По заминувањето на полскиот напаѓач во Барселона, баварскиот клуб имаше тешка задача да најде замена на исто ниво како Левандовски.
Директорот и поранешен легендарен голман на Баерн Минхен, Оливер Кан, го спомена името на Кејн, опишувајќи го како сон за иднината на германскиот клуб. Кан изјави за престижниот Билд:
„Тој (Кејн) се уште има активен договор со Тотенхем. Тој е извонреден напаѓач, но ова останува сон за иднината... Засега треба да го составиме тимот за тековната сезона. Па да видиме што ќе се случи“.
Се очекува капитенот на англиската репрезентација оваа сезона да остане во Спарс и покрај желбата за заминување која Кејн ја покажа минатата сезона. Се чини дека тренерот Антонио Конте одлучил напаѓачот да ја продолжи авантурата во Тотенхем, благодарение на квалификациите на тимот во Лигата на шампионите.
Кејн има уште две години од актуелниот договор со Тотенхем, а претседателот на клубот Даниел Леви сака да разговара за продолжување на договорот со напаѓачот. Но, ситуацијата станува многу интересна следната година, доколку Кејн не го прифати обновувањето. Притисокот врз англискиот клуб ќе се зголеми бидејќи нивниот најценет имот може да замине за ништо. Многу ќе зависи од настапот на Тотенхем во новата сезона. Кејн во неколку наврати отворено изјави дека неговата главна цел е да освојува трофеи, а Спарс досега не успеале во тоа. Баерн Минхен, пак, е сериски победници и невозможно е бомбардерот на „2-те лава“ да не биде во искушение од евентуалната понуда на Германците.