Челниците на Баерн Минхен јасно му ставија до знаење на Тотенхем дека чекаат одлука за картонот на Хари Кејн. На Баварците се уште не им е јасно дали Спарс сакаат да го продадат својот бомбардер, додека според престижниот Билд, самиот играч ги прифатил личните услови од договорот со германскиот клуб.
Челниците на Баерн се фрустрирани од ситуацијата и му одредиле рок на Тотенхем да одговори, но не е познато дали Баварците ќе се откажат од Кејн во случај овој рок да биде пречекорен од Тотенхем. Во меѓувреме, лондонскиот клуб не ја коментираше ситуацијата. Кејн има само 1 година од актуелниот договор со клубот, а засега нема знаци за потенцијално продолжување.
Тоа значи дека доколку Кејн не реши да продолжи, а претседателот на клубот Даниел Леви реши да го задржи англискиот бомбардер во тимот, Тотенхем ќе ја пропушти последната шанса да заработи од картата на напаѓачот. Челниците на Баерн Минхен пред неколку дена се сретнаа со Леви, но не можеше да се постигне договор меѓу страните.
Не заборавајте дека летниот преоден рок официјално се затвора на 1 септември, што на клубовите им дава доволно време да најдат решение. Сепак, страните сакаат да донесат заклучок пред почетокот на новата сезона. Според претходните извештаи, Баерн Минхен доставил понуда од 70 милиони фунти за услугите на Кејн, но според внатрешни извори на Тотенхем, оваа понуда никогаш официјално не стигнала до канцелариите на клубот.
Сега се очекува челниците на Баварците да дадат уште една понуда за Кејн, која се очекува да биде последна. За напаѓачот е заинтересиран и Манчестер Јунајтед, но се чини дека „црвените ѓаволи“ како главен фокус го немаат капитенот на англиската репрезентација.
