Поранешниот дефанзивец на Манчестер Јунајтед, Гери Невил изјави дека Трент Александер-Арнолд би можел да биде еден од најдобрите дефанзивци на сите времиња доколку работи на подобрување на своите дефанзивни вештини. 23-годишниот фудбалер во последно време беше центар на критики, за неговите грешки во одбраната, кои исто така влијаеа на разнишаниот напредок на Ливерпул во првенството и Лигата на шампионите. Но, Невил, иако верен навивач на Јунајтед, го изрази своето воодушевување од Трент.
Гери изјави за Sky Sports:
„Ниту еден дефанзивец што сум го видел во оваа земја не може да го направи тоа што го прави тој (Трент). Значи, ако работи на некои фундаментални работи во дефанзива, и стекне одредена конзистентност, тогаш нема да го имаме само еден од најдобрите напаѓачки десни бекови што ги има произведено оваа земја, туку можеби и најдобриот десен бек во светот. Имаме работа со бранител на нивото на Кафу, тоа е нешто навистина посебно“.
Невил изјави дека има дисбаланс во играта на Трент, бидејќи според него, офанзивниот елемент кај играчот ја засенува неговата дефанзивна игра. Сепак, поранешниот играч на Јунајтед беше јасен, уште еднаш укажа на критиките за талентот на Ливерпул:
„Мислам дека Трент треба да работи на своите одбранбени вештини. Реков пред неколку години дека неговата дефанзивна игра нема сериозност и острина. Во одреден момент од неговата кариера, тоа ќе го врати назад“.
Во оваа ситуација постои реален ризик дефанзивецот на Ливерпул да не биде вклучен во англиската репрезентација за Мундијалот. Но, Невил мисли дека ова би можело да биде добра можност Трент да им докаже дека неговите критичари грешат и да се подобри уште повеќе.
