Средниот бек на Ливерпул, Вирџил Ван Дијк изјави дека чувствува одговорност за лошата форма на „црвените“ на стартот од оваа сезона. Повереници на Jurgen Klopp имаат само 2 победи од првите 6 натпревари во првенството, додека во Лигата на шампионите беа поразени со длабоки 4-1 од Наполи. И покрај победата од 2-1 над Ајакс, прашалниците се уште има многу околу формата на Ливерпул оваа година, а Ван Дијк ги прифати критиките.
Холандскиот дефанзивец коментираше за медиумите:
„Ако играме добро добивам пофалби, а ако не, не. Но, сепак мислам дека треба да се подобрам и тоа е во ред. Единствениот начин да го направите тоа е да играте натпревари, да учите од грешките, да не слушате премногу надворешни гласови и да разговарате со вашите блиски луѓе. Сум кажал неколку пати, сите сме луѓе и сите сакаме да дадеме се од себе, а тоа важи и за мене. Знам дека можам да играм подобро, но сите можеме подобро“.
Ван Дијк додаде:
„Се чувствувам многу повредено кога примаме голови и не ја одржуваме мрежата, ја чувствувам мојата одговорност, но тоа е добра работа. Сакам да се вратиме на добри резултати, не само за мене туку и за сите луѓе поврзани со клубот“.
Ѕвездата на Ливерпул исто така не беше задоволен од коментарите на спортските аналитичари. Според Холанѓанецот, штета е што поранешните фудбалери на Ливерпул не успеваат да сфатат дека секој тим може да има лош период или ситуација на неколку натпревари. Особено на толку високо и интензивно ниво на игра. Дефанзивецот додаде дека победата над Ајакс во Лигата на шампионите докажува дека Ливерпул може да игра многу подобро ако игра тимски.
