Тренерот на Манчестер Сити, Пеп Гвардиола, изјави дека неговиот тим има уште работи за подобрување, по победата од 5-3 на пријателскиот натпревар против Јокохама Ф Марино во Јапонија. Тренерот на „граѓаните“ ја пофали и формата на напаѓачот Ерлинг Халанд, велејќи дека норвешкиот бомбардер е во подобра физичка форма од минатата сезона. Гвардиола рече:
„Тоа беше добар тест бидејќи немавме многу подготовки. Јокохама играше многу добро во транзицијата, што беше добро за нас. Секако дека можеме да подобриме многу работи, важно е што немавме повреди. Сега ќе се одмориме и ќе се подготвиме за предизвикот против Баерн Минхен“.
Манчестер Сити во интересен пријателски натпревар ќе се соочи со Баерн Минхен. Ова ќе биде прва средба на двете екипи, по онаа во Лигата на шампионите минатата сезона. Во меѓувреме, во врска со Ерлинг Халанд, Гвардиола прокоментира:
„Во споредба со минатата сезона тој е во подобра форма. Тој е во подобра форма отколку кога пристигна минатата сезона. Многу би сакале да ја има истата форма. Халанд не е повреден, што е доволно добро, но сепак е далеку од оптимална форма како и сите останати. Тој знае што треба да направи, а познато е дека за неколку недели ќе биде во подобра физичка форма отколку што е сега“.
Норвешкиот бомбардер го собори рекордот по постигнати голови во една сезона во Премиер лигата во неговата прва сезона со Сити. Халанд постигна 36 гола во првенството, а вкупно 52 во сите натпреварувања. Придонесот на напаѓачот беше клучен во успехот на Сити бидејќи тие ја освоија тројната круна, станувајќи само вториот англиски тим по Манчестер Јунајтед кој го постигнал подвигот.