Тренерот на Манчестер Сити, Пеп Гвардиола изјави дека Арсенал оваа сезона ќе биде еден од претендентите за титулата шампион во Англија. Екипите ќе се соочат в недела, во меч кој може да се покаже како доста важен во однос на трката за првото место во Премиер лигата.
Манчестер Сити беше поразен од Волвс во последниот натпревар во првенството, но моментално има 1 бод повеќе од Арсенал во генералниот пласман. Гвардиола коментираше:
„Тие (Арсеал) беа нашите најголеми ривали минатата сезона, и тие ќе бидат повторно таму уште долго време. Повторно се фаворити, заедно со Ливерпул. За да ги анализирате омилените тимови, можете да ги видите првите 10 натпревари. Големите тимови секогаш се претенденти за шампионската титула“.
Шпанскиот техничар додаде:
„Арсенал се врати. Кога сè уште бев младо момче и штотуку ја започнав мојата кариера како тренер во Барселона, се сеќавам дека тие беа конкуренти на Манчестер Јунајтед и Сер Алекс Фергусон. Тогаш долги години не беа на тоа ниво, но сега се вратија. Кога ќе го погледнете календарот и ќе видите дека одите на Емирати, знаете дека тоа е тежок натпревар“.
Сепак, и покрај пофалбите на Гвардиола за лондонските ривали, Арсенал е поразен во последните 12 натпревари во првенството против „граѓаните“. Сепак, избраниците на Артета го победија Сити во финалето на Комјунити Шилд на пенали.
Во меѓувреме, Артета ја коментираше и конфронтацијата со Сити:
„Единствено што ме загрижува е квалитетот на противниците. Во недела мораме да бидеме најдобро 100 минути. Тоа е она што треба да го контролираме и тука треба да се фокусираме. На овие големи натпревари ви требаат големи играчи кои ја прават разликата“.