Тренерот на Ливерпул, Јирген Клоп изјави дека Мохамед Салах треба да одлучи дали ќе продолжи со „црвените“ или не. Договорот на Салах истекува на крајот од следната сезона и иако Египјанецот изрази желба да остане на „Енфилд“, се уште нема конкретен договор меѓу него и клубот.
Јирген Клоп неодамна ја коментираше ситуацијата на напаѓачот:
„Мо дефинитивно очекува Ливерпул да биде амбициозен, а ние сме. Сега е неговата одлука. Клубот направи се што е можно и таква е ситуацијата. Нема што да се каже, се е во ред. Од моја гледна точка, сè е точно како што треба да биде во моментов. Сè уште ништо не се случило, ниту отфрлања, ниту обновувања или нешто слично. Затоа, само треба да почекаме“.
Салах му се приклучи на Ливерпул од Италијанците во Рим во 2017. Досега има постигнато 152 гола на 237 настапи со „црвените“. Неговиот придонес беше многу важен за тимот на Клоп, кој со помош на Египќанецот успеа да триумфира во Премиер лигата, Лигата на шампионите, Лига Купот, Светското клупско првенство на ФИФА и Супер куп на УЕФА.
Легендата на Ливерпул, Џон Барнс изјави дека Англичаните треба да бидат внимателни со финансискиот предлог што ќе го понудат на Салах. Според Барнс, високата плата може да отвори проблеми за Ливерпул во иднина. Тоа е затоа што Салах изрази желба да ја затвори кариерата во Ливерпул. Па доколку играчот се поднови, тоа ќе биде долгорочно, најверојатно 5 години, а клубот ќе мора да му исплати иста плата на играчот, дури и ако неговата идна форма не го оправдува.
Ова исто така би отворило проблеми за Ливерпул да донесе друго име на негово место, бидејќи финансиските можности ќе бидат ограничени.
