Тренерот на Ливерпул, Јирген Клоп изјави дека неговиот тим мора да се врати на основните правила на игра, за да ги подобри дефанзивните перформанси. „Црвените“ оваа сезона примија 14 гола на 9 средби во сите натпреварувања, што е висока и необична бројка за доверливите луѓе на германскиот тренер. Ливерпул успеа да ја сочува мрежата на само 2 средби. Коментирајќи ја ситуацијата, Клоп рече:
„Кога ќе забележите проблем и мислите дека сте го нашле решението, мислите дека сè ќе се подобри веднаш. Но, ова никогаш не се случува во фудбалот. Ние претрпевме слични голови, кои доаѓаа од истите области. Кога нашата одбрана не го добива правилното време, ние сме многу изложени. Така да, треба да бидеме покомпактни. Одбраната е уметност и функционира доста добро кај нас, долго време. Но, сега кога тоа не функционира, сфаќате дека треба да се вратиме на основните правила. Не можеме се да почнеме од нула. Ако им помагаме на момците со различни начини да се бранат, мораме да го сториме тоа“.
По ремито 3-3 со Брајтон, Ливерпул сега заостанува 11 бода зад лидерот во лигата Арсенал, кој одигра натпревар повеќе. Клоп додаде:
„Луѓето прашуваат како е тоа што овие играчи немаат целосна доверба. Дали мислите дека Кристијано Роналдо во овој момент е целосно сигурен во себе? Долго време беше најдобриот играч на светот и сега работите не одат по него. На сите ни се случува... Мора да ги направите малите нешта за да направите чекор во вистинската насока и навистина да бидете подготвени за добриот момент кога ќе дојде, а тоа е она што го правиме“.