И покрај повредата на рамото добиена на предизвикот против Њукасл, напаѓачот на Ливерпул Дарвин Нуњез може да се активира во предизвикот на „црвените“ против Реал Мадрид во Лигата на шампионите. Веста ја потврди и самиот тренер Клоп, кој ги информираше новинарите во пресрет на спектакуларната пресметка со Мадрид на „Енфилд“. Германскиот техничар рече:
„Постои можност (Нуњез да биде активиран), мора да видиме како ќе се справи со болката“.
Напаѓачот има постигнато 11 гола во сите натпреварувања за Ливерпул откако дојде од Бенфика летото. Тој се повреди при судир со Киеран Трипие во победата на Ливерпул над Њукасл од 2-0.
Во меѓувреме, Клоп зборуваше и за важноста на предизвикот против Реал, потсетувајќи се на финалето од минатата сезона, каде Ливерпул беше поразен токму од Реал Мадрид со минимални 1-0. Клоп рече:
„Повторно го гледав натпреварот (финалето) овој викенд. Сфатив зошто не сум го видел претходно. Беше тортура, одигравме добар натпревар, можевме да го добиеме, но тие беа оние кои го постигнаа решавачкиот гол. Можеше да се каже нивното искуство, колку малку ја изгубија довербата и беа подготвени да ги искористат можностите. Ова е она што можете да го научите од нив. Овој пат сме различни тимови во различни времиња. Ајде да видиме кој ќе помине низ овој пат“.
Клоп ја изрази својата среќа во моментот во кој е Ливерпул, осврнувајќи се на последните два позитивни резултати. Според германскиот техничар ова е многу важно на натпреварот против Реал Мадрид, а натпреварот би изгледал поинаку доколку се игра пред 1 месец.
Во меѓувреме, поранешниот тренер на Ливерпул и Реал Мадрид, Рафаел Бенитез изјави дека Англичаните го имаат вистинскиот потенцијал да се соочат со Реал. Според Шпанецот, „црвените“ го стекнале вистинското искуство во Лигата на шампионите, за подобро да се справат со притисокот.
