Англискиот дефанзивец на Манчестер Јунајтед, Хари Мегваер изјави дека има важна улога во тимот. Фудбалерот од средниот ред започна како стартер во предизвикот против Реал Бетис во Лигата на Европа, каде Манчестер Јунајтед победи со 1-0 и со тоа се пласираше во следната рунда. И покрај тоа што дефанзивецот беше активиран на само 5 средби со својот клуб од Светското првенство, Мегваер останува убеден во придонесот што може да го даде на „Олд Трафорд“.
Англичанецот по победата над Бетис изјави:
„Имам важна улога и на теренот и надвор од него и секој ден се трудам да го доближам овој клуб до успехот, без разлика дали играм или не. Секако дека сакам да играм и да започнам повеќе натпревари, но ја играм мојата улога надвор и на теренот. Да се биде стартер и да се води тимот е добро чувство и најважно за мене и за групата“.
Мегваер му се приклучи на Јунајтед во летото 2019 година за сума од 80 милиони фунти. Сепак, дефанзивецот на англиската репрезентација не е прв избор на селекторот Тен Хег во последните недели, бидејќи техничарот ги претпочита Лисандро Мартинез и Рафаел Варан во грбот.
Во меѓувреме и тренерот Тен Хаг се изрази доста среќен за победата над Бетис. Холандскиот техничар коментираше:
„Мислам дека играчите одиграа доста добро. Уште еднаш играчите кои дојдоа од клупата завршија фантастична работа. Така може да се каже дека не сме само 11 играчи, туку тим. За Факундо Пелистри тоа беше доволно добар момент да излезе на теренот. Имаше убави моменти. На тренинзите играше доста добро, но натпреварите се поинакви... Во одбраната особено се претстави доста добро и јас сум презадоволен од неговиот настап“.
