Норвешкиот бомбардер на Манчестер Сити, Ерлинг Халанд, изјави дека отсуството на Светското првенство во Катар го мотивирало да постигнува повеќе голови во Премиер лигата. Напаѓачот досега постигна 20 гола на 14 натпревари за „граѓаните“ и се врати на терените во англискиот шампионат со двојката против Лидс на „Еланд Роуд“.
Халанд коментираше за Amazon Prime:
„Седев дома, некако вознемирен што не играв на Светското првенство. Ме мотивира, но и донекаде ме нервира тоа што ги гледам другите како постигнуваат и победуваат натпревари на Светското првенство. Погладен сум и поподготвен од било кога“.
По мечот со Лидс, Халанд ја изрази својата среќа не само за резултатот, туку и за емотивната важност на овој предизвик. Норвежанецот беше навивач на Лидс во неговото детство, бидејќи неговиот татко Алфи Халанд играше за Лидс како и за Манчестер Сити. Напаѓачот изјавил:
„Среќен сум...тоа е навистина посебен момент во мојата кариера. „Никогаш во моите најлуди соништа не би помислил дека ќе играм на Еланд Роуд и ќе постигнам гол за Манчестер Сити против Лидс“.
Тренерот Гвардиола во меѓувреме изјави дека Халанд се уште не е на 100%, алудирајќи дека на бомбашот му треба време да се опорави од повредата добиена на предизвикот против Борусија Дортмунд во Лигата на шампионите, на натпреварот одигран во октомври. Шпанецот за медиумите изјави:
„Тој сè уште не е во најдобро издание како што беше на почетокот на сезоната. Повредата што ја заработи против Дортмунд имаше долготрајни ефекти. Движењето на големото тело не му е лесно, но колку повеќе минути игра, толку подобро ќе биде“.