Бомбашот на Манчестер Сити, Ерлинг Халанд изјави дека ќе направи се за да ја освои тројната круна со Манчестер Сити. Избраниците на Пеп Гвардиола веќе ја освоија Премиер лигата, а ќе играат и во ФА Купот и финалето на Лигата на шампионите. Манчестер Јунајтед ги освои сите три трофеи во 1999 година и е единствениот клуб во Англија што го постигнал овој подвиг. Во меѓувреме, Халанд коментираше:
„Би било неверојатно оваа приказна да се случи. Ова е причината зошто ме доведоа овде, за да го постигнам ова, не смееме да го криеме. Тоа би било извонредно. Ќе направам се што можам за да го реализирам. Ова е мојот најголем сон, да се надеваме дека соништата ќе се остварат“.
Сепак, Халанд ги анализираше и тешкотиите за обезбедување на тројната круна. Норвешкиот бомбардер додаде:
„Но, познато е дека не е лесно, има две финалиња против две многу добри тимови, кои ќе направат се да го уништат (нашиот сон). Тие ќе бидат мотивирани, ќе бидат подготвени и ние мора да го одиграме нашиот најдобар натпревар, бидејќи ако сме во нашата најдобра форма, имаме добри шанси да го постигнеме тоа (тројната круна).
Меѓу другото, Халанд рече:
„Го следиме Арсенал цела сезона и кога ја освоивме Премиер лигата беше одлично издание. Сега ни остануваат уште две финалиња, а единствено што треба да направиме е да се фокусираме на нив пред паузата... Нема да биде лесен натпревар (за Јунајтед). Не треба да размислуваме премногу, треба да се фокусираме на себе и да ја играме нашата игра. На крајот ќе видиме. Ова е 90-минутен фудбалски натпревар и победуваат оние кои играат најдобро на ваквите игри“.