Тренерот на Манчестер Јунајтед, Ерик тен Хаг, за првпат проговори за медиумите по гласините за заминувањето на Кристијано Роналдо од клубот ова лето. Холандскиот техничар ги увери навивачите на „црвените ѓаволи“ дека Ц37 е во плановите на тимот оваа сезона, и дека неговата карта не е на продажба.
37-годишниот напаѓач ќе пропушти дел од претсезонската турнеја на Јунајтед во Тајланд. Англиските медиуми неодамна објавија дека Португалецот сака да го напушти „Олд Трафорд“, бидејќи не е убеден во плановите и проектот што Манчестер ги има за во иднина. Но, се чини дека Тен Хег бара нешто друго. Поранешниот тренер на Ајакс зборуваше самоуверено за иднината на Роналдо. Тој рече:
„Тој (Роналдо) не е со нас поради лични причини. Следната сезона ја планираме заедно со Кристијано Роналдо. Ова е се. Со нетрпение очекувам да работам со него многу наскоро. Кристијано не е на продажба, тој е во нашите планови. Посакуваме заеднички успех“.
Тен Хег потврди дека комуницирал со Роналдо пред почетокот на летната турнеја. Холанѓанецот го коментираше и прашањето за капитенската лента, што стана проблем минатата сезона:
„Имавме убав разговор. Тоа останува меѓу мене и Кристијано, што можам да кажам е дека имавме многу добар разговор заедно... Хари Мегваер ќе биде капитен. Тој е капитен повеќе од 1 година и има постигнато многу успеси. Без сомнение за тоа“.
Засега единствен пристап на Јунајтед ова лето е Тајрел Маласија од Феенорд. Запрашан за ситуацијата, тренерот Тен Хег подвлече дека клубот регрутира играчи само доколку верува дека тие можат да се прилагодат на новиот модул за игра кај „црвените ѓаволи“.
