Тренерот на Њукасл, Еди Хау изјави дека за Сандро Тонали најтешките предизвици ќе бидат оние кои ќе дојдат во следните денови. Хау се осврна на истрагата што е отворена против играчот за наводи за нелегално обложување. И покрај оваа истрага и тешката ситуација, Тонали беше дел од тимот во победата од 4-0 над Кристал Палас викендов.
Сепак, Италијанецот може да биде казнет долго време надвор од зелените терени, а менаџерот Хау на некој начин ја предвидел оваа можност:
„Мислам дека најтешкиот дел е она што следува, без разлика што ќе се случи. Ситуацијата веднаш привлече големо внимание и луѓето почнаа да зборуваат за тоа. Тој (Тонали) денеска ја доби поддршката од навивачите, но тоа е тешко да се одржи долго време. Кој знае што може да се случи подоцна…?”
Менаџерот на Њукасл Јунајтед додаде:
Мислам дека е добро за него да знае дека ја има поддршката не само од повисокото раководство на клубот и тренерот, туку и од навивачите, а тие се најважните луѓе“.
Тонали ја доби поддршката и од соиграчите во овој тежок момент. Џејкоб Марфи ја коментираше ситуацијата:
„...Ова покажува дека нашиот клуб е големо семејство. Навиваме за него (Тонали) цела недела, а и навивачите му покажаа многу љубов“.
Во меѓувреме, Ентони Гордон го пофали Тонали за неговата игра на теренот, дури и во овој тежок момент. Истрагата против Италијанецот се очекува да продолжи и се уште не се знае конечната одлука кога може да биде објавена. Сепак, Њукасл и менаџерот Хау мора да се подготват за најлошото сценарио, со оглед на потребата од привремена замена за Тонали.