Бразилецот Родриго беше играчот кој ги скрши срцата на Манчестер Сити, во второто полуфинале против Реал Мадрид во Лигата на шампионите. Талентот на галаксиите постигна два клучни гола со кои избраниците на Карло Анчелоти ги испратија во финалето на натпреварувањето. Веќе Родриго ќе има шанса да го казни Ливерпул, да триумфира во Лигата на шампионите. Овој многу важен предизвик за напаѓачот добива уште поголемо значење, почнувајќи од неговата стара приказна со „Црвените“.
Во 2017 година, кога Родриго беше активен за тимот на Сантос во Бразил, Ливерпул испрати официјална понуда за картата на играчот. Понудата беше само 3 милиони евра, а разговорите помеѓу Сантос и англискиот клуб беа во напредна фаза. Оваа бројка ја сметаше за смешна помошникот менаџер на бразилскиот тим Елано, кој го убеди напаѓачот да остане уште една година во неговиот сегашен клуб.
Во летото 2018 година, Родриго конечно го напушти тимот на Сантос, но не и да премине во Ливерпул. Тој потпиша со Реал Мадрид, бидејќи овој за неговиот картон понуди цели 45 милиони евра. Бројката била 15 пати поголема од она што Ливерпул му го понудил на играчот кога имал 16 години. Родриго се докажа како еден од најталентираните играчи на Мадрид, и покрај ограничената минутажа што ја имаше како стартер. Сега Бразилецот во европско финале ќе се соочи со тимот кој ги потцени неговите вештини.
Останува да видиме дали Родриго ќе успее да го повтори фантастичниот настап против Манчестер Сити и во финалето. Навивачите на Реал Мадрид го нарекуваат Бразилецот како „Г. Шампиони“, бидејќи напаѓачот неколку пати докажа дека не го чувствува притисокот на големите арени. Триумфот на Реал Мадрид против Ливерпул во сабота несомнено би бил индивидуална победа за Родриго.