УЕФА и ФИФА меѓусебно се договорија да ги исклучат руските клубови и репрезентации, од кое било европско или светско натпреварување, на неодреден период. Одлуката дојде како резултат на агресивната воена офанзива што претседателот Владимир Путин ја презеде против Украина.
Тоа значи дека руската фудбалска репрезентација нема да игра на натпреварот од плејофот на Светското првенство против Полска. Додека на руската женска претставничка нема да и биде дозволено учество на летното европско. Во исто време, Спартак Москва е исфрлен од Лигата на Европа, а УЕФА исто така ја прекина врската со рускиот гигантски спонзор Гаспром.
Во заедничката изјава, двете главни раководни тела на фудбалот во светот објавија:
„Фудбалот е обединет и во целосна солидарност со она што се случува во Украина. „Двајцата претседатели се надеваат дека ситуацијата во Украина значително и брзо ќе се подобри, за фудбалот да продолжи да биде вектор на единство и мир меѓу луѓето.
Одлуката на УЕФА и ФИФА дојде по прилично голем притисок од јавното мислење кое во последните часови постојано повикува на реакција.
Во меѓувреме, уште еден интересен развој е ангажманот на рускиот сопственик на Челзи, Роман Абрамович, за намалување на тензиите меѓу двете држави. Медиумите во Англија сугерираат дека рускиот милијардер бил контактиран од високи украински лидери за да помогне да се најде решение за враќање на мирот меѓу двете држави.
Абрамович е еден од најбогатите луѓе во Русија и нашироко се зборува дека има блиски врски со претседателот Владимир Путин. Портпаролот на претседателот на Челзи за медиумите изјави дека Русија се обидува да помогне уште од почетокот на руско-украинскиот конфликт.
