Според пишувањето на „The Sun“ во Англија, челниците на Реал Мадрид ја дале својата последна понуда за услугите на суперѕвездата на Дортмунд, Ерлинг Халанд. Шпанскиот гигант веќе води во трката за картата-бомбардер и покрај тоа што и овој е под радарот на елитните премиерлигашки клубови.
Шпанскиот портал „Спорт“ информираше дека претставниците на Халанд неодамна биле на разговори со мадридските челници, по понуда од вторите. Со норвешкиот играч раководи супер-агентот Мино Раиола, а се вели дека во петокот имало средба меѓу него и претставниците на Реал Мадрид во Монако.
Ова може да биде крај на обидите на Манчестер Јунајтед, Челзи и Манчестер Сити, да го доведат напаѓачот во Англија. Тоа е затоа што според неофицијални извори, веќе постои договор меѓу Реал и Дортмунд за блокирање на преговорите со други клубови. Манчестер Сити на Пеп Гвардиола беше меѓу омилените тимови за постигнување договор со Халанд, додека Јунајтед со години го следи напаѓачот и желбата да го доведе на „Олд Трафорд“ не е променета.
Но, се смета дека самиот играч има желба да игра во Шпанија. „Лос бланкос“ по секоја цена сакаат да ги искористат неговите услуги, особено по неодамнешната вест дека Килијан Мбапе се предомислил за евентуален трансфер во Мадрид. По пресметката на ПСЖ со Реал во Лига на Шампиони, Французинот уште еднаш повтори дека се уште не одлучил каква одлука ќе донесе во иднина.
Се верува дека се е веќе во рацете на играчот. Со оглед на тоа што веќе има „џентлменски договор“ меѓу Мино Раиола и Реал Мадрид, доколку Халанд сака да си замине на крајот на сезоната Реал Мадрид ќе биде неговиот прв избор, но се уште сме далеку од официјализирање на овој потег.