Напаѓачот на Арсенал, Букајо Сака нема да биде дел од селекцијата на Англија за натпреварите против Италија и Австралија. Причината е повредата добиена во последните недели, што беше причина и за отсуството на играчот во победата на Арсенал над Манчестер Сити. Потсетуваме дека репрезентацијата на „3 Лава“ ќе се соочи со Австралија во пријателски натпревар на 13 октомври. Потоа Англичаните ќе се соочат со Италија, во вреден супер предизвик за квалификациите за ЕП 2024.
Во меѓувреме, за повредата на Сака, англиските медиуми јавуваат дека не се работи за нешто сериозно. Сепак, менаџерот на Арсенал, Микел Артета одби да даде повеќе детали. Шпанскиот техничар рече:
„Не, тој (Сака) нема да успее. Сè уште не тренирал цела сесија. Во моментов тој не е достапен за игра“.
Забележливо беше отсуството на Сака за Арсенал во неделата против Сити и покрај победата на лондончани од 1-0. Пред да се повреди, Сака беше активен на вкупно 87 последователни натпревари во Премиер лигата. Првите знаци за повредата на напаѓачот се забележани во предизвикот против Ленс во Лигата на шампионите, каде Сака изгледаше загрижено на теренот.
Во меѓувреме, селекторот на англиската репрезентација Герет Саутгејт изјави дека не би ризикувал да го стави Сака на теренот, дури и да е на располагање:
„Ние имаме одговорност да се квалификуваме за нашата земја, но јас бев и играч. Не сум ја ризикувал и никогаш не би ја ризикувал физичката благосостојба на моите играчи. Тие (клубовите од Премиер лигата) имаат верба во нас, дека носиме одлуки кои се добри на долг рок“.
По секоја веројатност Сака повторно ќе биде достапен за Арсенал по завршувањето на меѓународните натпревари.