По последните преговори со клупските челници, англиските медиуми објавија дека Каору Митома се согласил да потпише нов договор со Брајтон. Станува збор за долгорочен договор за следните 5 години, што е многу позитивна вест за Брајтон, кој изгледа подготвен да го задржи еден од најдобрите играчи во својот арсенал уште неколку сезони.
Јапонецот му се приклучи на клубот во летото 2021 година, кога беше префрлен од Кавасаки Фронтале, јапонски тим кој игра во Џеј-лигата. Митома помина краток период на позајмица со Унион СГ во Белгија, пред да се врати во Брајтон. Во својата прва сезона во Премиер лигата, играчот постигна 10 гола на 41 настап, како и 5 асистенции.
Според досегашните информации, се очекува Митома врз основа на новиот договор да обезбеди плата од 80 илјади фунти неделно. Сите детали се финализираат и се очекува договорот да биде затворен во текот на оваа недела. Процесот го следи агентот на играчот, Кеисуке Секине. Според извори блиски до него, агентот потврдил дека Митома е целосно посветен на проектот на тренерот Де Зерби за клубот.
Минатата сезона самиот играч ја изрази својата среќа не само за клубот каде што игра, туку и за градот:
„Градот има добра клима, морето е блиску, па затоа е добро место за живеење. Нашите навивачи гласно не поддржуваат и дома и на гости. Чувствувам вистинска топлина, тие се навистина неверојатни обожаватели. Персоналот од зад сцената е исто така прилично добри луѓе, се чувствувам многу среќен овде“.
Така, Митома го отфрли интересот на легендарните англиски клубови како Ливепроол, Јунајтед или Манчестер Сити, да остане во Брајтон.