Тренер i Лестер Сити, Brendan Rodgers, ka reaguar për herë të parë pas lajmeve të shumta që e lidhin atë, me postin e trajnerit të Manchester United. Tekniku bëri me dije se është 100% i përkushtuar tek Leicester, dhe çdo spekullim që e lidh atë me United nuk është i vërtetë. Rodgers tha për mediat:
“Une jam këtu si trajner i Leicester, krenar, i privilegjuar dhe plotësisht i përkushtuar. Nuk mund të komentoj mbi to (spekullimet) pasi nuk janë të vërteta. Zhurma që krijohet rreth tyre është diçka që nuk mund ta kontrollojmë.”
Ish-trajneri i Liverpool u vendos në krye të pankinës në King Power, në shkurt të vitit 2019. Mediat angleze kanë javë që spekullojnë se Rodgers mund të zëvëndësojë Солскјер në krye të United. Por përveç kësaj, irlandezi është linkuar gjithashtu me Arsenal, Tottenham dhe Newcastle gjatë viteve të fundit.
Kur u pyet mbi mundësinë e zëvëndësimit të Solskjaer në krye të United, Rodgers u përgjigj:
“Mendoj se është mungesë respekti të bësh pyetje të tilla kur ke një trajner në krye të detyrës, një trajner të mirë, dhe në të njejtën kohë një njeri të mirë, i cili po punon fort për klubin.”
Leicester gjendet momentalisht në vendin e 12 në Premier League, dhe kanë grumbulluar vetëm 15 pikë nga 11 ndeshje. Ata do të përballen me Chelsea ditën e shtunë, dhe trajneri Rodgers dëshiron që thashethemet në lidhje me të ardhmen e tij të marrin fund, pasi sipas tij, kanë një efekt destabilizues te klubi:
“Është frustruese për tifozët tanë dhe për lojtarët e mi. Nëse dikush lexon ato që shkruhen, ka një efekt destabilizues. Kjo është diçka që ndodh në futbollin modern, ka shumë thashetheme dhe gossip, por nuk është diçka që më pëlqen të përqëndrohem.”