Бразилскиот напаѓач на Арсенал, Габриел Мартинели го обнови договорот со лондонскиот клуб. Фудбалерот ќе биде дел од Арсенал до 2027. Сезонава со дресот на „топчиите“ постигна 7 гола на 27 натпревари, бидејќи е еден од најважните играчи во тимот на Микел Артета. Во меѓувреме, клупските челници преговараат и со Букајо Сака и Вилијам Салиба за обновување на договорите.
Габриел изрази дека се чувствува многу среќен поради новиот договор, и дека ќе даде се од себе за клубот и навивачите, да ги направи горди.
Тренерот Артета го прокоментира обновувањето на Мартинели, бидејќи изгледаше доста среќен поради довербата на напаѓачот во клубот. Шпанскиот техничар рече:
„Габи е сè уште многу млад, па знаеме дека се уште може да очекуваме многу од него. Нашите навивачи го гледаат неговиот квалитет и енергија, секој пат кога ќе зачекори на теренот во дресот на Арсенал, тој е ист секој ден и на тренинзите, со својата работа и позитивни вредности“.
Артета додаде:
„Сега сме среќни што ќе продолжиме да го развиваме неговиот талент и да го гледаме во дресот на Арсенал во наредните години“.
Спортскиот директор на Арсенал, Еду, исто така, ја поздрави веста за обновувањето на Габриел:
„Фантастично е што Габи потпиша нов договор со нас. Темелите на нашиот тим продолжуваат да се градат на нови таленти, па затоа е фантастично што Габи потпиша нов договор. Сè уште има само 21 година, играч со голема умешност и личност. Тој е важен дел од нашата иднина и ние сме среќни што се договоривме за нов договор“.
Мартинели беше дел од репрезентацијата на Бразил на Светското првенство во Катар, а беше активиран во 2 настапи со тимот. За негова несреќа, Бразилците не отидоа подалеку од четврт-финалето во престижното натпреварување.
