Талентираниот напаѓач на Реал Сосиедад, Александар Исак е на мета на лондончани на Арсенал. Веста ја објавува престижниот „The Sun“, според кој, Швеѓанецот е совршен играч за шемата на тренерот Микел Артета.
Исак минува низ прилично добра форма во Шпанија, а тоа не можеше да го избегне вниманието на големите клубови во Европа. Самиот играч јасно ги изрази своите симпатии кон англиското првенство и изјави дека неговата амбиција е еден ден да заигра во Премиер лига. Исак би бил совршена замена за Александре Лаказет, кој се очекува да го напушти клубот следното лето.
Играчот може да замине кон ривалите од Манчестер Сити. Тоа е затоа што на Пеп Гвардиола му треба типичен напаѓач, позиција која недостига на списокот на играчи со кои располага шпанскиот тренер.
Но, Арсенал има подготвен резервен план. Наводно, лондончани ја следат и ѕвездата на Торино, Андреа Белоти. Предност на Италијанецот е фактот што финансиските услови за негов пристап се поповолни. Во меѓувреме, Марко Асенсио од Реал Мадрид е исто така еден од омилените на Микел Артета.
Според информациите, Арсенал доставил понуда за Шпанецот, но одлуката на тренерот Зидан и претседателот Перез за судбината на играчот се уште не е позната. И покрај талентот, на Марко Асенсио му беше тешко да најде простор во галаксиите, со оглед на силната конкуренција во групата. Но, тоа не значи дека Арсенал го отвори патот до пристапот на напаѓачот. За услугите на Шпанецот многу е заинтересиран и Ливерпул, а се очекува Јирген Клоп да се бори напорно за да го обезбеди неговиот картон.
Друга интересна опција за лондончани е Лука Јовиќ од Реал Мадрид, кој може да слета на Емирати, во форма на позајмица.