Шефовите на Тотенхем се подготвени да направат големи потези во текот на летото, бидејќи клубот цели на двајца високо талентирани крилни играчи да им се приклучат на лондончани. Станува збор за Педро Нето и Еберечи Езе. Конкуренцијата ќе биде силна за картата на играчот, бидејќи Еберечи Езе е една од главните цели на Манчестер Сити. Мрежата на Волвс од друга страна исто така е на мета на многу ривалски клубови во Премиер лигата.
Челниците на Тотенхем сакаа да обезбедат сериозен пристап на јануарскиот пазар, но немаа среќа да им пристапат на играчите. Ова го натера лондонскиот клуб да се задоволи со пристапот на Тимо Вернер на позајмица. Германецот се претстави добро во досегашниот дел од сезоната, но челниците на клубот сепак сакаат да обезбедат дополнително засилување во напаѓачкиот оддел.
Еберечи Езе, кој моментално е активен во Кристал Палас, се вели дека е повеќе расположен да потпише за Манчестер Сити. Крилниот напаѓач претпочита следниот чекор во неговата кариера да се смета за напредок и најдобар тим за оваа цел е несомнено Сити на Пеп Гвардиола. Сепак, Тотенхем нема да се откаже и се очекува на лето да достави сопствена понуда за Езе.
Во меѓувреме, во однос на Нето, поголеми се шансите на Тотенхем да постигне договор. Ова и поради историјата на повреди на играчот, што се очекува значително да ја намали цената на неговиот картон. Арсенал исто така е во потера по Педро Нето и двата клуба заинтересирани за Португалецот би можеле да бидат вклучени во финансиска битка. Сепак, Арсенал е фокусиран на други позиции во текот на преодниот рок. Се очекува тимот на тренерот Микел Артета да се фокусира на потпишување на играч од средниот ред и централен напаѓач. Овој факт се очекува уште повеќе да му помогне на Тотенхем во финализирањето на договорот со Нето.