Новите челници на Челзи го отпуштија менаџерот Томас Тухел, 100 дена по преземањето на сопственоста на клубот. Поранешниот техничар на Борусија Дортмунд и Пари Сент Жермен на тој начин го напушта Стемфорд Бриџ откако освои 3 трофеи за 20 месеци. претседателот на блузот, Тод Боли, привремено го постави стручниот штаб на Тухел на чело на тимот додека клубот не го одреди наследникот на Тухел.
Според извори на Би-Би-Си, одлуката за отпуштање на Тухел била донесена пред изненадувачкиот пораз од Динамо Загреб. Англиските медиуми веруваат дека клубот наскоро ќе постави менаџер на чело, а главни фаворити се Греам Потер од Брајтон, Маурисио Покетино, поранешниот шеф на Реал Мадрид Зинедин Зидан, како и Брендан Роџерс од Лестер Сити. Целта на челниците е да стават долгогодишен тренер на чело на тимот, кој ја дели истата визија и идеи со новите сопственици на клубот.
Во моментов Челзи е на шестото место во поредокот во Премиер лигата, по 3 победи, 1 реми и 2 порази. „Сините“ во летниот преоден рок потрошија неверојатни 255 милиони фунти, со што доведоа 8 нови играчи. Извори блиски до тимот открија дека Тухел ја загубил довербата на некои од играчите на Челзи, како и на членовите на управниот одбор. Германецот исто така беше казнет двапати оваа сезона поради неговото однесување на теренот.
Во официјална изјава за медиумите, челниците на лондонскиот клуб изјавија:
„…Новите сопственици чувствуваат дека е вистинско време да се направи оваа транзиција. Во име на сите во Челзи, клубот сака да му се заблагодари на Томас и неговиот персонал за сите нивни напори и време во клубот. Томас со право ќе има место во историјата на Челзи по освојувањето на Лигата на шампионите, Суперкупот и Светското клупско првенство“.