Според информациите во Италија, Фиорентина е подготвена да го продаде Душан Влаховиќ на Арсенал. Тоа е затоа што лондончани понудија да платат 58.5 милиони фунти за услугите на српскиот напаѓач. Арсенал се подготвува за иднината без Пјер-Емерик Обамејанг и Александре Лаказет, чии договори истекуваат на лето.
Влаховиќ влезе во последните 18 месеци од договорот со Фиорентина и го привлече вниманието на голем број европски клубови, со своите извонредни настапи и голови во Серија А, но не само. Досега, раководните лица на Фиорентина се надеваа дека Влаховиќ ќе стави крај на шпекулациите со потпишување на продолжување на договорот. Но, се чини дека Србинот е решен да замине, и покрај желбата на претседателот Роко.
Од друга страна и Арсенал е заинтересиран за услугите на Доминик Калверт-Левин на Евертон и Александар Исак на Реал Сосиедад. Но, тренерот Артета добро знае дека напаѓачот на Фиорентина е најатрактивната опција за неговите планови. Поранешниот познат фудбалер Иан Рајт го охрабри Арсенал да продолжи со разговорите за картата на Влаховиќ. Тој ја коментираше и иднината на Обамејанг и Александре Лаказет. Рајт рече:
„Арсенал направи фантастичен бизнис досега. Верувам дека им треба и напаѓач, без разлика дали ситуацијата со Обамејанг е решена. Слушнав дека напаѓачот може да биде Влаховиќ од Фиорентина. Потребен ни е играч кој може да игра помеѓу Лаказет и Обамејанг“.
Рајт додаде:
„Не знам што ќе биде со Лака, сакам тој да остане, но не знам што ќе се случи со него, но и со Обамејанг. „Но, ако успееме да донесеме напаѓач кој е добар голгетер и знае како да ја организира играта, како Влаховиќ, ќе дојдат добри работи за Арсенал.