Се чини дека челниците на Манчестер Јунајтед се решени да скокнат во трката за талентот на Лил, Лени Јоро. Дефанзивецот импресионираше со своите настапи во францускиот шампионат, а тоа предизвика тинејџерот да го привлече вниманието на многу европски клубови. Покрај Јунајтед, изгледа дека Ливерпул будно го следи играчот, а во иднина не се исклучува можноста за финансиска битка меѓу 2-те англиски гиганти за картата на Јоро.
18-годишниот играч оваа сезона за Лил настапи 32 пати во сите натпреварувања и важи за еден од најдобрите дефанзивци во Лига 1. Според пишувањата на англиските медиуми, францускиот клуб ќе бара минимум 60 милиони евра за услугите на Јоро , со оглед дека интересот за талентот се очекува да биде голем. Јунајтед бара да го доведе Французинот на „Олд Трафорд“, бидејќи тој се смета за долгорочна замена за Рафаел Варан, кој би можел да замине на лето.
Во меѓувреме, Ливерпул со интерес го следи играчот, бидејќи раководството на „црвените“ го гледа и како долгорочна замена за Вирџил ван Дијк. Вториот повторно ја откри својата најдобра форма на „Енфилд“, но челниците на Ливерпул сакаат да го спречат неговото евентуално заминување.
Но, покрај интересот на клубовите од Премиер лигата, Лени Јоро го привлече вниманието и на Реал Мадрид и ПСЖ. Не се очекува Шпанците да нападнат овој летен пазар, бидејќи по секоја веројатност ќе потрошат голем дел од својот буџет за да го доведат Килијан Мбапе на Бернабеу. ПСЖ во меѓувреме ја има предноста на шампионатот, бидејќи играчот добро ја познава Лига 1 и е запознаен со фудбалот во Франција.
Останува да видиме која дестинација ќе ја одбере играчот, бидејќи во моментов Јоро не дозволува да се знаат неговите лични преференци.
