Волците бараат околу 60 милиони фунти за услугите на талентираниот Педро Нето. Ова е вест на англиските медиуми кои уште еднаш пренесоа дека Португалецот е на мета на Арсенал и Тотенхем. Нето направи два фантастични настапи против Манчестер Јунајтед и Челзи овој месец, што привлече уште поголемо внимание на играчот.
Волвс во меѓувреме се во многу добра финансиска состојба и нема да брзаат да го продадат играчот, доколку не ја обезбедат потребната сума. Клубот обезбеди повеќе од 100 милиони фунти приход во текот на летото од продажбата на играчи, а тоа го доведе Волвс во добра позиција и во однос на финансиските правила на Премиер лигата.
Во меѓувреме, Нето има 3-годишен активен договор со Волвс. Португалецот оваа сезона на 3 натпревари во сите натпреварувања постигна 8 гола и имаше вкупно 18 асистенции. Позитивна вест е фактот што врз основа на неговите настапи, се чини дека играчот го остави зад себе и целосно се опорави од тешката повреда која ја доби пред 2 години, а која го остави надвор од терените повеќе од 10 месеци.
Со оглед на тоа што Волвс нема да брза да го искористи картонот на Нето, се очекува премиерлигашките клубови кои го бараат фудбалерот да бидат ставени во финансиска борба. Менаџерот на Арсенал, Микел Арета долго време е фан на Нето, а се подразбира и дека лондонскиот клуб во летниот преоден рок на „Емирати“ ќе донесе барем еден нов напаѓач.
Во исто време, тренерот на Тотенхем, Анже Постекоглу е исто така обожавател на Нето, а Тотенхем би можел да се засили за играчот во текот на летото. Сепак, тоа ќе зависи и од тоа дали лондончани ќе решат конечно да го купат картонот на Тимо Вернер од Лајпциг.