Според извештајот на ЦЕЛ, претставници на Габриел Жесус се во преговори со Арсенал, за евентуален трансфер на Бразилецот на лето. Тимот на Микел Артета се надева дека ќе го доведе напаѓачот на Манчестер Сити на „Емирати“, бидејќи тој бара опции за засилување на нападот за следната сезона.
Жесус бара тим каде ќе може да се активира како стартер, бидејќи Бразилецот ја загуби оваа улога во Сити. Габриел беше активен на 24 натпревари на Премиер лига во текот на оваа сезона, но во само 17 од нив играше како стартер. Напаѓачот влегува во последната година од договорот со „граѓаните“ и раководните лица на Сити мора брзо да одлучат за неговата судбина. Напротив, клубот ризикува да загуби талент по нула цена, во втор момент.
Фантастичните настапи против Ватфорд во лигата, и Реал Мадрид во Лигата на шампионите можеби го сменија мислењето на тренерот Гвардиола, за улогата на Хесус во тимот. Но, тоа не го спречи агентот на играчот да преговара со техничкиот директор на Арсенал, Еду за евентуален договор.
Интересот што Пеп Гвардиола и раководните лица на Сити го покажаа за ѕвездата на Дортмунд, Ерлинг Халанд, можеби влијаеше на фактот дека Хесус размислува за други опции на лето. Доколку се официјализира трансферот на Халанд на „Етихад“, Габриел ќе има уште потешко да најде простор.
Самиот фудбалер одби да ја коментира својата иднина, велејќи дека сега не е вистинскиот момент. Откако беше прашан од новинарите, тој изјави:
"Мислам дека не е време да се зборува за тоа. „Сега е најдобриот момент во сезоната и сакам да уживам во него, да се фокусирам на тимот и да им помогнам на моите соиграчи да ја освојат Премиер лигата“.
