Манчестер Сити направи голем чекор кон трансферот на бомбардерот Ерлинг Халанд, на „Етихад“. Според извештаите Dailymail, се дознава дека челниците на англискиот клуб се согласиле со барањата на претставниците на Норвежанецот. Доколку се оди според планот, договорот меѓу двете страни се очекува да биде запечатен во текот на следната недела.
Англиските медиуми објавија дека „граѓаните“ се согласиле на Халанд да му понудат плата од 500,000 фунти неделно, бројка што би го направила најплатен играч во Премиер лига. Договорот се очекува да биде 5 години бидејќи Сити ќе плати минимум 63 милиони фунти за да ја активира ослободителната клаузула на Халанд од Дортмунд.
Минатата недела Германците инсистираа дека сè уште нема договор меѓу Сити и Дортмунд за услугите на Халад и дека клубот паралелно разгледува други опции. Стануваше збор за Реал Мадрид и ПСЖ. Но сега се чини дека Пеп Гвардиола успеа да го оствари својот сон да го доведе напаѓачот во Манчестер. Шпанскиот менаџер не успеа да го доведе Хари Кејн во летниот преоден рок минатата година и покрај невообичаеното инсистирање на челниците на Сити.
Се дознава дека таткото на Халанд, кој како поранешен фудбалер беше активен кај „граѓаните“ интензивно бил вклучен во преговорите со англискиот клуб. Доколку договорот биде официјализиран на лето, Халанд би можел да дебитира за Сити во Америка. Тоа е затоа што избраниците на Пеп во текот на летото ќе одиграат 2 пријателски натпревари на американскиот континент.
Норвешкиот напаѓач постигна два гола во нагласената победа на Дортмунд над Волфсбург од 2-6 во саботата. Во текот на оваа сезона, Халанд има постигнато вкупно 1 гола на 33 средба со Дортмунд и со норвешката репрезентација. Играчот успеа многу брзо да се врати во најдобрата форма, по суптилната повреда.