Напаѓачот на Пари Сен Жермен, Килијан Мбапе изјави дека се уште не одлучил кој ќе биде следниот чекор во неговата кариера на крајот од оваа сезона. По победата од 2-0 над Тулуз во натпреварувањето на француските шампиони, каде што постигна и гол, Мбапе за медиумите изјави:
„Како што реков, имаме уште титули да обезбедиме, сега освоивме една и тоа е готово. После тоа сè уште не сум одлучил. Но, во секој случај, според договорот што го направивме со претседателот (Насер Ал-Хелаифи) ова лето, не е важно што ќе одлучам. Успеавме да ги заштитиме сите вклучени страни и да го зачуваме клубот за идните предизвици, што е најважно…“
Мбапе беше многу блиску до бесплатно заминување од ПСЖ на крајот од сезоната 2021-2022, но на крајот Французинот потпиша 2-годишно продолжување на договорот. Мбапе во овој период постојано одбиваше понуди од клубови од Саудиска Арабија, но се чини дека опцијата за преселба во Реал Мадрид секогаш е на ум на Французинот.
Во меѓувреме, шпанските медиуми го поврзуваат Мбапе со трансфер во Барселона, но тренерот Чави побрза да ги побие овие тврдења. Шпанскиот техничар рече:
„Сега морам да работам со играчите што ги имаме бидејќи знам дека во овој момент не можеме да размислуваме за такви потези. За жал, не сме во привилегирана економска ситуација за да се случи ова. Останувам со играчите што ги имам и со овие играчи мора да победиме“.
Се чини дека трансфер сагата на Килијан Мбапе ќе продолжи следното лето. Можна преселба во Премиер лигата е исто така една од можностите, бидејќи Ливерпул долго време се шпекулира дека е заинтересиран за француската ѕвезда.