Тренерот на Арсенал, Микел Артета изјави дека ќе продолжи да покажува емоции од тренерската клупа и покрај суспензијата од 1 натпревар. Шпанскиот техничар нема да биде присутен на клупата на предизвикот на Арсенал против Астон Вила, бидејќи го доби третиот жолт картон за сезоната во победата на Арсенал над Лутон. Во овој предизвик, лондончани постигнаа гол во последните секунди од средбата и со тоа ги однесоа 3-те поени, а Артета не можеше да ги задржи емоциите.
Тренерот на Арсенал го коментираше инцидентот:
„Не знам како да се сопрам. Тоа беше емотивен момент, и кога сите скокаат од своите места, губите малку чувство за тоа каде треба да бидете. За жал, сега не можам да бидам на клупата, но тоа е одлука што тие (арбитрите) ја носат со строго почитување на правилата“.
Сепак, и покрај изразувањето на разбирање кон судиите, Артета изјави дека нема да се ограничи да покажува емоции, бидејќи тоа не го смета за погрешно. Шпанецот додаде:
„Сакам да бидам со моите играчи бидејќи работиме напорно секој ден за да го постигнеме она што го сакаме, а тоа е да победуваме во натпревари и кога ќе ги добиете овие моменти во спортот, треба да можете да го направите тоа (да славите). Разбирам дека има одредени правила и ограничувања и треба да го почитувате фактот дека сте на противничкиот терен, но ако ми се укажеше шанса, ќе бев таму и ќе славам“.
Тренерот Артета беше во центарот на вниманието и зад коментарите по контроверзната победа на Њукасл над Арсенал пред неколку недели. Њукасл постигна гол по многу оспорен гол, а Артета ги опиша одлуките на судиите на ВАР како срамни.