Антонио Рудигер одлучи да го напушти Челзи на крајот на оваа сезона. Веста ја соопшти тренерот Томас Тухел, бидејќи англиските медиуми објавија дека дефанзивецот следната сезона ќе му се приклучи на Реал Мадрид. Да потсетиме дека Рудигер ќе си замине по нула трошоци од сините од Лондон, бидејќи неговиот договор истекува на крајот од сезоната.
Ѕвездата на германската репрезентација постигна договор со галаксиите и се мисли дека ќе потпише 4-годишен договор со Реал Мадрид. Според договорот, Рудигер ќе добива вкупно 230,000 фунти неделно, што е бројка поголема од последниот предлог на Челзи за продолжување на договорот. Според Sportsmail, Рудигер одбил понуди од други европски клубови, вклучувајќи ги Барселона, ПСЖ и Јувентус, да потпише со Реал.
Раководството на Мадрид долго време го следи играчот уште од деновите кога тој беше активен со Штутгарт. Првата официјална понуда за Рудигер Шпанците ја дадоа во јануари, но играчот реши да остане до крајот на сезоната на Стемфорд Бриџ.
Во меѓувреме, тренерот Тухел го коментираше заминувањето на Рудигер, нагласувајќи дека на Челзи ќе му биде тешко да најде замена на негово ниво, дури и ако се укинат санкциите против клубот. Германскиот техничар рече:
„Ќе биде многу тешко бидејќи Тони има многу личност. Тој е лидер и го одзема стравот од другите. Многу ќе ни недостига. Ќе биде предизвик, но и покрај неговата улога и фактот што го сакам толку многу, Челзи ќе има живот без Тони Рудигер. Ќе најдеме решение“.
Во меѓувреме, тренерот Тухел ги коментираше и санкциите наметнати на клубот, со порака дека навивачите мора да бидат трпеливи:
„Не можете да ја влечете тревата за да расте побрзо. Мора да се соочиме со реалноста и за момент санјоните се уште се на сила. Ситуацијата се уште е нејасна за следната сезона“.
