Маурисио Покетино постигна вербален договор со челниците на Челзи, од следната сезона да биде нов тренер на сините од Лондон. Аргентинскиот техничар е слободен од крајот на минатата сезона, кога го напушти Пари Сен Жермен. Сепак, се чини дека дојде време Покетино да се врати во Премиер лигата.
Во моментов со Челзи како привремен тренер до крајот на сезоната раководи Френк Лампард. Лампард ја презеде клупата по отказот на Греам Потер. И покрај последователните порази на сините и многу разочарувачките настапи во Европа, се очекува Лампард да остане на својата улога до крајот на сезоната.
Потсетуваме, Челзи 3 пати го менуваше тренерот откако Тод Боли го презеде претседателството на клубот. Вториот го отпушти Германецот Томас Тухел, пред да го назначи Греам Потер на чело на тимот, кој исто така подоцна беше отпуштен за да му направи место на Лампард како привремен менаџер.
Во меѓувреме, Покетино се поврзуваше со можно враќање во Тотенхем, но мали се шансите тоа да се случи. Аргентинецот помина цели 5 сезони на чело на клубот, а во 2019 година стигна до финалето на Лигата на шампионите.
Во меѓувреме, Спарс стапиле во контакт со Џулијан Нагелсман, а се чини дека овој е оптимист за нова авантура, овој пат во Англија. Нагелсман првично беше кандидат за тренерската функција во Челзи, но според медиумски извори, Германецот се откажал од оваа можност. Поранешниот техничар на Баерн е под радарот на Тотенхем од пред две години, кога лондончани бараа тренер по отказот на Португалецот Жозе Мурињо. Очигледно, претседателот Леви ќе се обиде уште еднаш да го убеди Нагелсман да премине во Тотенхем.